МАЛЧИН ЭМЭГТЭЙЧҮҮДИЙН ЧУУЛГА УУЛЗАЛТ ЗОХИОН БАЙГУУЛАГДЛАА. Чуулга уулзалтанд 5 багийн 150 гаруй малчин эмэгтэйчүүд оролцлоо. Чуулга уулзалтанд ИТХ-ын дарга Б.Жанлав, сумын Засаг дарга З.Ням-Очир, Тамгын газрын дарга Ё.Даваа нар оролцож мэндчилгээ хүргэж сум орон нутгийн бодлого шийдвэрийн талаар танилцуулав. Тус арга хэмжээг зохион байгуулахад аймгийн Хүнс хөдөө аж ахуйн газар, мал эмнэлгийн газар, Хөвсгөл аймгийн Бэлчээр ашиглагчдын холбоо, сумын Засаг даргын тамгын газар, эрүүл мэндийн төв, соёлын төв, багийн Засаг дарга нар хамтран ажиллалаа. Чуулга уулзалтаар ногоон тэжээл тариалах арга, эр сувай малыг эдийн засгийн эргэлтэнд оруулах ач холбогдол, малын үржил бүртгэлийн нэгдсэн сангийн ойлголт, малын эрүүл мэнд, мал эмнэлгийн арга хэмжээний хэрэгжилт, төлөвлөлт, нийгмийн даатгал, татвар, хүн амын халдварт бус өвчин, урьдчилан сэргийлэлт, орон нутгийн хөгжлийн сангийн хөрөнгөөр хийж хэрэгжүүлж буй ажлын мэдээлэл, хоршоо хөгжүүлэх сангийн мэдээлэл, хог хаягдлаа ангилан ялгах, хүүхэд хамгаалал, хариуцлагатай нүүдэлчин стандарт, түүхий эдийн чанар зэрэг сургалт мэдээллүүд өгөгдлөө. Тус чуулганаас 8 заалт бүхий уриалга гаргаж сум орон нутгийн түвшинд хэрэгжүүлэхээр баталлаа. Тус арга хэмжээнд хүрэлцэн ирж оролцсон малчин эмэгтэйчүүддээ талархлаа.

2024 оны гүйцэтгэлийн төлөвлөгөөний тайлан.

Алаг-Эрдэнэ сумын ИТХ-ын ээлжит II хуралдааныг 2024.12.23-нд Алаг-Эрдэнэ суманд 2024.12.24-нд Хатгал тосгонд амжилттай зохион байгуулж хурлын ирц 99%-тай хуралдаж хуралдаанаар сум тосгоныхоо 1. Газар зохион байгуулалтын 2024 оны билэлт, 2025 оны төлөвлөгөө. 2.БОТХБТ-ын 2024 оны биелэлт, 2025 оны төлөвлөгөө. 3.Ойн мэргэжлийн байгууллага, ойн нөхөрлөлүүдийн 2024 оны үйл ажиллагаанд үнэлэлт дүгнэлт. 4. 2025 оны хэрэглээний болон түлшний модны дээд хязгаар тогтоох тухай 5.Эрүүл мэндийн зөвлөлийн үйл ажиллагаанд үнэлэлт дүгнэл өгөх тухай 6. Хөрөнгө актлах, дахин үнэлэх тухай 7. 2025 оны Төсөв батлах тухай. 7. Хатгал тосгоны Зээлийн эргэлтийн сангийн 2024 оны үйл ажиллагаанд үнэлэлт, дүгнэлт өгөх тухай. 8. ОНӨҮГ-байгуулах тухай зэрэг асуудлуудыг хэлэлцэн баталлаа.

АНСДИТХ-ын 9 ДЭХ УДААГИЙН СОНГУУЛИЙН ҮР ДҮНГЭЭР СОНГОГДСОН 25 ТӨЛӨӨЛӨГЧӨӨ АЛАГ-ЭРДЭНЭ СУМЫН ИТХ-ЫН ДАРГА, АЖЛЫН АЛБАНААС САНААЧЛАН МОНГОЛЫН НУТГИЙН УДИРДЛАГЫН ХОЛБООТОЙ ХАМТРАН ''ИТХ-ЫН ТӨЛӨӨЛӨГЧДИЙН ҮҮРЭГ ХАРИУЦЛАГА, ХУУЛЬ ЭРХ ЗҮЙН ОЙЛГОЛТ, МАНЛАЙЛАЛ, ЗАСАГЛАЛЫН УР ЧАДВАР БА ТӨЛӨӨЛӨГЧ НАРЫН ЧАДАВХЫГ БЭХЖҮҮЛЭХ НЬ'' СУРГАЛТ, СЕМИНАРТ ХАМРУУЛЖ АМЖИЛЛТТАЙ ЗОХИОН БАЙГУУЛЛАА.

2024 оны Орон нутгийн сонгуулийн үр дүнгээр бүрдсэн сумын ИТХ-ын анхдугаар хуралдаан 2024-10-18 өдөр хуралдлаа. Сумын ИТХуралд АН-аас 18 суудал, МАН-аас 7 суудал авсан. Анхдугаар хуралдаанаар: -Төлөөлөгчдийн бүрэн эрхийг зөвшөөрөх тухай -Хурлын дэг батлах тухай -Тооллогын комисс батлах тухай -Сумын ИТХ-ын даргыг сонгож батлах -Сумын ИТХ-ын даргаас чөлөөлөх тухай -Сумын Засаг даргад нэр дэвшүүлэх зэрэг асуудлыг хэлэлцлээ. Сумын ИТХ-ын даргаар төлөөлөгч Б.Жанлавыг 100 хувийн саналаар дэмжиж батлав. Сумын Засаг даргад З.Ням-Очирыг 100 хувийн саналаар дэмжиж аймгийн Засаг даргад уламжилахаар боллоо.

Сумын ИТХ-ын ээлжит XXIII дугаар хуралдаанаар дараах асуудлуудыг хэлэлцэж баталлаа. 1. Ажлын хэсэг байгуулах тухай Танилцуулагч: - Засаг дарга З.Ням-Очир 2. Хоршоо хөгжүүлэх сангийн төсөл сонгон шалгаруулах тов тогтоох тухай. Танилцуулагч: - Засаг дарга З.Ням-Очир 3. Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн сумын сонгуулийн тойрог байгуулж, мандатын тоо тогтоох тухай. Танилцуулагч: - Г.Даринчулуун - ИТХ-ын нарийн бичгийн даргын албан үүргийг түр орлон гүйцэтгэгч 4. Сум, тосгоны 2024 оны газар зохион байгуулалтын төлөвлөгөөнд тодотгол хийх тухай. Танилцуулагч:- Засаг дарга З.Ням-Очир, Захирагч А.Баттүшиг 5. Хяналт шалгалтын дүн танилцуулах тухай Танилцуулагч:- ИТХ-ын дарга Б.Жанлав, ИТХ-ын Төлөөлөгч Ө.Ариумаа 6. Хөрөнгө актлах тухай Танилцуулагч: - Засаг дарга З.Ням-Очир, Захирагч А.Баттүшиг 7. Иргэдийн санал санаачилга дэмжих тухай. Танилцуулагч: ИТХ-ын дарга Б.Жанлав 8. Өргөдөл хэлэлцэх тухай. Танилцуулагч: - ИТХ-ын нарийн бичгийн даргын албан үүргийг түр орлон гүйцэтгэгч Г.Даринчулуун 9. Санал дэмжих тухай Танилцуулагч: - ИТХ-ын нарийн бичгийн даргын албан үүргийг түр орлон гүйцэтгэгч Г.Даринчулуун. СУМЫН ИТХ-ЫН АЛБА

Нэг зам-Нэг соёл аяны хүрээнд Хөвсгөл аймгийн Цагдаагийн газартай хамтран Алаг-Эрдэнэ сумын ИТХ-ын ажлын алба, ГХУСАЗСЗ, сумын Цагдаагийн хэсэг, тосгоны Цагдаагийн тасаг хамтран Мөрөн - Алаг-Эрдэнэ - Хатгал чиглэлийн хатуу хучилттай А1101 авто замд нэг өдрийн өдөрлөг арга хэмжээг зохион байгуулан ажиллаа.